2014,Audiovisuais

Adianto dos traballos do alumnado

Monumenta inicia este ano un programa pedagóxico deseñado para que o alumnado dos centros educativos dos lugares nos que este ano se desenvolve este ciclo poidan intervir como portadores dunha historia propia, co obxectivo de reforzar a vinculación do monumento coa contorna.

A exposición dos traballos que realicen será unha parte importante das xornadas festivas do ciclo Monumenta na súa localidade, como reflexo da valoración colectiva do patrimonio cultural.

Este vídeo é un adianto do magnífico traballo realizado sobre o Castro San Cibrao de Las polos alumnos e alumnas do CEIP Eulogio Gómez Franqueira de San Amaro. O vindeiro sábado 14 de xuño, formando parte da programación de Monumenta, presentarase o traballo final deste centro educativo.

Audiovisuais

Presentación de MONUMENTA

MONUMENTA: difusión do patrimonio restaurado é un programa de actividades culturais por igrexas, mosteiros e outros edificios históricos galegos nos que se estiveron realizando diferentes restauracións de interese arquitectónico e artístico.