Do 7 de xuño ao 5 de xullo de 2014

MONUMENTA convídanos a coñecer e gozar o noso patrimonio restaurado. Música, obradoiros, paseos, visitas guiadas e faladoiros que permiten achegarse, dun xeito lúdico e compartido, ás intervencións realizadas en diferentes bens culturais do territorio galego: igrexas, pazos, xacementos arqueolóxicos, mosteiros etc.

Nas actividades de MONUMENTA a participación veciñal é un elemento central. Conta, ademais, cunha programación pedagóxica co alumnado dos centros educativos das áreas nas que se atopan os bens restaurados. Os nenos e nenas participantes son tamén portadores dunha historia propia e as súas investigacións e reflexións estarán tamén presentes en cada localidade.

MONUMENTA é unha programación da Consellería de Cultura, Educación e Ordenación Universitaria para difundir e contribuír á valoración colectiva do patrimonio cultural galego.

A participación en todas as actividades e concertos é libre e de balde.

  • Sábado 07 de xuño. Catedral de Tui, (Pontevedra)
  • Domingo 08 de xuño. igrexa de Santa María Magdalena, Sarria (Lugo)
  • Venres 13 de xuño. Torre da Berenguela da Catedral, Santiago de Compostela (A Coruña)
  • Sábado 14 de xuño. Parque arqueolóxico da cultura castrexa de San Cibrao de Las,
    San Amaro-Punxín (Ourense)
  • Domingo 15 de xuño. Igrexa de Santa María Melide, (A Coruña)
  • Sábado 21 de xuño. Santuario das Ermidas e Castelo O Bolo, (Ourense)
  • Domingo 22 de xuño. Convento de Ferreira de Pantón, (Lugo)
  • Sábado 28 de xuño. Catedral de Ourense
  • Domingo 29 de xuño. Castelo de Tovar Lourenzá, (Lugo)
  • Sábado 05 de xullo. Petróglifos de Mogor Marín, (Pontevedra)