RIBAS DE SIL, LUGO
Domingo 15 de agosto, 10:00

PUNTO DE ENCONTRO
Casa do Concello de Ribas de Sil. Como chegar: pola N-120, estrada Logroño-Vigo, saída LU-933.

Á DESCUBERTA DO PATRIMONIO
A partir do século I d. C., o Imperio romano levou a cabo unha intensa actividade mineira centrada principalmente na extracción do ouro. A técnica empregada na zona, hoxe pertencente ao concello de Ribas de Sil, caracterízase polo movemento de grandes cantidades de terra aproveitando a forza hidráulica do río Sil.

MONUMENTA DIVULGA
A ruta está orientada ao coñecemento dos procesos de cambio sufridos polas sociedades da Idade de Ferro en Galicia, coa chegada dos romanos, o porqué xeolóxico da minaría aurífera romana e os seus sistemas de explotación. Farase tamén unha introdución ao xeoparque mundial da Unesco Montañas do Courel.

MONUMENTA ESCOITA
Miguel Ángel Curiel é poeta e ensaísta. De familia estremeña, naceu en Alemaña e actualmente reside en Lugo. É autor de libros como El agua, Luminarias e Astillas, entre unha extensa produción literaria.

MONUMENTA CIRCULAR
Cata de aceites de oliva: o sur da provincia de Lugo, na Ribeira Sacra, é unha das zonas de Galicia cunha maior tradición na produción de aceite de oliva en todo o país. 

CAMIÑANTES CONVIDADOS
Iván A. Álvarez Merayo, arqueólogo, técnico deportivo de montaña e escalada e membro do comité científico do xeoparque mundial da Unesco Montañas do Courel.
Guillermo Díaz Aira, biólogo, técnico deportivo de media montaña e guía de turismo científico.