A Vía Mariana luso-galaica

CERDEDO-COTOBADE, PONTEVEDRA
Sábado 11 de setembro, 10:00

PUNTO DE ENCONTRO
Casa do Concello de Cerdedo-Cotobade. Como chegar: N-541, Pontevedra-Carballiño ou, desde Lalín, estrada PO-534.

Á DESCUBERTA DO PATRIMONIO
O Concello de Cerdedo-Cotobade forma parte das comarcas de Pontevedra e Tabeirós-Terra de Montes. É unha área de transición cara ao interior, a cabalo entre as terras do litoral pontevedrés e a comarca do Deza. É tamén o berce de grandes canteiros, que percorrían España rebaixando a pedra e que se coñecían coa denominación popular de “barrocos”.

MONUMENTA DIVULGA
A Vía Mariana son 372 quilómetros entre Braga e Muxía. É unha iniciativa social desde o traballo colectivo de asociacións e organizacións do norte de Portugal e Galicia, co obxectivo de recuperar aqueles camiños de peregrinación entre santuarios.

MONUMENTA ESCOITA
Francisco Layna Ranz é profesor en varias universidades norteamericanas. Ten unha dilatada experiencia na crítica académica, varios libros sobre literatura medieval, a obra de Miguel de Cervantes e o Século de Ouro. Publicou catro libros de poesía e os seus poemas foron traducidos a varios idiomas.

Donas. Trátase dun ensemble, inspirado no mito das damas de Ferrara, que interpreta música instrumental de mulleres compositoras dos séculos XVII e XVIII. O Concerto delle Donne foi un grupo profesional de cantantes femininas baixo a protección da corte de Ferrara no século XVI. Daban concertos formais para membros do reducido círculo da corte a modo de música secreta.

CAMIÑANTES CONVIDADOS
Jesús Díaz, restaurador e conservador titulado de Bens Culturais e guía oficial de Galicia.
Asociación Vía Mariana Luso-Galaica