AS CHÁS, OÍMBRA, OURENSE
Sábado 14 de agosto, 18:00

PUNTO DE ENCONTRO
Saída desde a Igrexa Parroquial das Chás. Como chegar: A52, saída 160 Oímbra. Despois tomar OU-1011 aOímbra e, a continuación, ir pola OU-1013 e a estrada local das Chás-Oímbra.

Á DESCUBERTA DO PATRIMONIO
A Ceadá das Chás/castelo de Lobarzán é un conxunto arqueolóxico e natural localizado entre os núcleos de poboación das Chás, O Rosal (Oímbra, Ourense) e Vilaza (Monterrei, Ourense), nunha zona limítrofe que abrangue os outeiros do Mazairo, da Ceada e do Castelo.

MONUMENTA DIVULGA
Atopámonos cun poboado fortificado en altura cuxa excepcionalidade radica nunha ocupación prolongada no tempo, con evidencias que van desde a prehistoria ata a Idade Media. É un lugar privilexiado no referente ás súas condicións defensivas e ao seu amplísimo dominio visual da contorna.

MONUMENTA ESCOITA
Ángel Cerviño: escritor, artista plástico e comisario de exposicións.

MONUMENTA CIRCULAR
Pemento de Oímbra: o pemento de Oímbra ten unha forma redondeada e regular. De pel lisa e brillante e cor verde clara con tonalidades case amarelas, caracterízase por un sabor doce.

CAMIÑANTES CONVIDADOS
Beatriz Comendador Rey e Víctor Rodríguez Muñiz, arqueólogos e directores do Proxecto Lobarzán, Universidade de Vigo.
Lucía Rodríguez Álvarez, investigadora da Universidade de Vigo, no programa de Protección do Patrimonio Cultural, que realiza a súa tese doutoral sobre a Prehistoria no Alto Támega transfronteirizo.
Nieves Amado Rolán, arqueóloga.