2019, Igrexas, Natureza, Paisaxe, Patrimonio

8. Santa Cristina de Ribas de Sil e o concepto da viaxe na literatura e no cinema

PARADA DE SIL, OURENSE
31 de agosto 10:30

PUNTO DE ENCONTRO
Entre o concello e o campo da feira de Parada de Sil. Como chegar: pola OU-536 Ourense-Castro Caldelas, en Vilariño Frío, tomar o desvío para OU-0604, á altura do km 34/35, e conducir 9 km máis. https://goo.gl/maps/kTjAXp8fciKfd2eDA

Á DESCUBERTA DO PATRIMONIO
Un dos grandes obxectivos de Monumenta, andar con arte é aprender a camiñar. Programamos actividades para reflexionar sobre o coñecemento transversal da nosa historia, e onde as ciencias e as humanidades, o patrimonio material e o inmaterial, forman un conxunto indivisible. Con esta andaina, abordaremos unha nova etapa coa cal nos adentraremos na acción e no pensamento dos viaxeiros.

MONUMENTA DIVULGA
Descubrindo o patrimonio material e inmaterial da Ribeira Sacra, o paseo permitiranos falar do propio concepto do camiñar e da viaxe. Recuperaremos textos de escritores que reflexionaron sobre esta acción que, na actualidade, son un referente na historia do camiñar.

MONUMENTA ESCOITA
Dous, o dúo formado polo clarinetista Fernando Abreu e o guitarrista Pablo Carrera, porá a banda sonora da andaina presentándonos algunhas das cancións do seu máis recente disco A Viaxe de Yoyo, un pequeno percorrido polas músicas do mundo.

MONUMENTA DEGUSTA
En Parada de Sil celébrase a festa da Pisa da Castaña, unha tradición que estaba en perigo de desaparición. Consiste na preparación de castañas secas, para o que hai que eliminar a pel a través dun sistema de cribado laborioso e artesanal.

CAMIÑANTES CONVIDADOS
Javier Trigales, xestor cultural, guionista e profesor de realización audiovisual.
María Abuín Fernández, guía e cofundadora da empresa Máis que Románico, especializada en andainas pola Ribeira Sacra.

A ANDAINA
Hora de saída: 10:30
Hora de regreso estimada: 14:30
Distancia: 6 km.
Dificultade: baixa.
Itinerario: realizaremos unha parte da ruta PR-G 98. Sairemos do concello de Parada de Sil e, desde alí, descenderemos cara ao mosteiro de Santa Cristina.
Observacións: a andaina pasará por diferentes etapas, algunhas zonas sen sombra e camiños irregulares con pequenos tramos de pendente. Desde o mosteiro, a volta á vila será en autobús.
Transporte + entrada ao mosteiro: 3 Euros.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos.
Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, do 16 de agosto ao 30 de agosto.

  • Formulario de inscrición para esta andaina do 16 ao 30 de agosto

>>>> ANDAINA COMPLETA <<<<

2019, Natureza, Patrimonio

7. Castro Caldelas, paseo pola capital da lingua galega escrita

CASTRO CALDELAS, OURENSE
25 de agosto 10:30

PUNTO DE ENCONTRO
No xardín do santuario dos Remedios. Hai diferentes zonas de aparcamento nas proximidades da praza do Prado. Como chegar: pola OU-536 Ourense-Castro Caldelas. https://goo.gl/maps/x9EFnHdaC3e2EhCJA

Á DESCUBERTA DO PATRIMONIO
Castro Caldelas está situada nun outeiro que domina a ribeira do río Edo. O seu casco antigo foi declarado Conxunto Histórico- Artístico en 1998. No punto máis alto sitúase o castelo construído por orde de Pedro Fernández de Castro, VII Conde de Lemos, no segundo terzo do século XIV.

MONUMENTA DIVULGA
O Foro do bo burgo de Castro Caldelas é un documento absolutamente singular por ser o máis antigo escrito en galego que se coñece entre os producidos en Galicia. Con este documento, Alfonso IX de León outórgalles aos cidadáns da vila de Castro Caldelas os seus foros e regula o seu réxime. Foi entregado en Allariz, en abril de 1228. Tamén é un documento solemne e o único exemplo de privilexio real en galego de toda a nosa historia .

MONUMENTA DEGUSTA
A orixe da bica ten diferentes teorías. Calcúlase que a receita ten preto de 200 anos e que
as primeiras bicas naceron das receitas e da sabedoría dos monxes da Ribeira Sacra, aínda que outras investigacións indican que este doce era elaborado pola xente da comarca como agasallo
para o Conde de Lemos.

CAMIÑANTES CONVIDADOS
Rebeca Blanco Rotea, licenciada en Xeografía e Historia e doutora en Arqueoloxía pola Universidade do País Vasco en 2015.
Fran Alonso Toucido, arqueólogo, investigador e historiador.
María Abuín Fernández, guía e cofundadora da empresa Máis que Románico, especializada en andainas pola Ribeira Sacra.

A ANDAINA
Hora de saída: 10:30
Hora de regreso estimada: 14:30
Distancia: 6 km.
Dificultade: media.
Itinerario: presentación da andaina no xardín da igrexa e, a continuación, descenso cara ao río Edo para iniciar un tramo da ruta dos muíños. Á volta, remataremos a andaina no castelo de Castro Caldelas cunha visita guiada. Observacións: andaina de ida e volta por sendeiros e camiños que, por tramos, poden presentar charcos e regatos de auga, dependendo da climatoloxía. É unha andaina sinxela, con desniveis e un relevo irregular, polo que, á volta, hai que afrontar algunha subida.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos sen problemas de mobilidade.
Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, do 9 de agosto ao 23 de agosto.

2019, Igrexas, Música, Patrimonio, Patrimonio inmaterial

3. Música no Camiño de Santiago e música para camiñar

SOBER, LUGO
10 de agosto 10:30

PUNTO DE ENCONTRO
Aparcadoiro do santuario Nosa Señora de Cadeiras.
Como chegar: desde a N-120 Vigo-Logroño, tomar o desvío a Sober no km 530/531. Desde este concello, ir pola LU-P-5903, que une Sober con Doade, e saír na primeira indicación cara ao santuario de Cadeiras.
https://goo.gl/maps/qhYEDHYAYRitRvQr7

Á DESCUBERTA DO PATRIMONIO
Monumenta é andar con arte e, tamén, camiñar con música. Visitamos outro lugar de culto, que se remonta ata a epoca antiga. A andaina arranca no castro das Medorras, a primeira etapa dunha viaxe por miradoiros, penedos máxicos, o Camiño da Virxe, a igrexa románica de San Vicente de Pinol e o santuario barroco da Nosa Señora de Cadeiras.

MONUMENTA DIVULGA
Andar con música, traballar con música, rezar con música. A música durante o camiño é tan antiga como a propia peregrinación. A súa temática foi diversa e incluso chegaron a editarse libros con cancións moi variadas sobre a dimensión espiritual da viaxe; cantos de itinerario, con información sobre o camiño, e outro tipo de narracións dirixidas a celebrar o fervor relixioso.

MONUMENTA ESCOITA
A agrupación musical O Trícole creouse en 1997, no eido da recuperación do patrimonio inmaterial. O Trícole ten publicados libriños de escolmas de lendas, contos e outras tradicións orais de Sober, en colaboración coa asociación O Colado do Vento, tamén de Sober.

MONUMENTA DEGUSTA
A rosca de Sober é un pan doce, con forma de rosca, que se fai con masa de pan, ovos, azucre e azafrán. Pódese tomar como entrante ou como sobremesa —pero sempre acompañada de queixo—, para o almorzo ou como simple larpeirada.

CAMIÑANTES CONVIDADOS
Saleta López Vázquez, historiadora da arte especializada en xestión dopatrimoniocultural.
Xurxo Souto, músico, investigador e escritor.

A ANDAINA
Hora de saída: 10:30
Hora de regreso estimada: 14:30
Distancia: 4 km.
Dificultade: baixa.
Itinerario: a primeira parada será na contorna de Cadeiras para visitarmos o castro, o miradoiro e os penedos. A continuación, iniciaremos a viaxe ata Pinol, percorrendo o tradicional camiño da Virxe. De volta, remataremos a andaina coa visita ao santuario de Cadeiras.
Observacións: é unha andaina de ida e volta por diferentes sendeiros e estradas con pouco tráfico. Hai algúns tramos por zonas abertas, sen sombra, e chan irregular de pedra e terra.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos.
Inscrición previa: prazas limitadas a 80 persoas.
Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, 26 de xullo ao 9 de agosto.

  • Formulario de inscrición para esta andaina do 26 de xullo ao 9 de agosto
    • 2019, Crónicas, Educación, Patrimonio

      1. Olegado cultural, social, educativo e botánico dos emigrantes indianos

      REDES, ARES, A CORUÑA.
      3 de agosto 10:30

      PUNTO DE ENCONTRO
      Praza do Pedregal, centro da vila de Redes. Hai un aparcadoiro gratuíto a 150 metros na rúa de Abaixo.
      Como chegar: desde a AP9, tomar a saída 21F a Pontedeume e, uns metros máis adiante, o desvío a Cabanas. A continuación, a AC-202 cara a Ares/Mugardos e o desvío a Redes. https://goo.gl/maps/sFNhwSBGXtmwCyDW6

      Á DESCUBERTA DO PATRIMONIO
      A principios do século XX, moreas de mozos da península de Bezoucos emigraron a
      Cuba seguindo os pasos doutros familiares e veciños. Desde a Habana, construíron unha historia común entre a illa e Galicia, e deixaron un importante e valioso
      legado todavía visible no patrimonio arquitectónico e no tecido social e cultural.
      Boa proba é a vila de Redes, coa Agrupación Instrutiva de Caamouco, un centro que leva aberto máis de cen anos e que desenvolve ciclos de actividades relacionadas co patrimonio indiano e a emigración.

      MONUMENTA DIVULGA
      A vila de Redes é un acolledor porto que á súa tradición pesqueira lle engade o fabuloso legado da emigración. O núcleo e os seus arredores servirannos para comprender e interpretar ese tesouro nos eidos da arquitectura, a botánica e a educación, ao tempo que tentaremos descubrir as contornas onde se concentraron estas «paisaxes da emigración».

      CAMIÑANTES CONVIDADOS
      Juan López Bedoya, xeógrafo físico e divulgador científico.
      Ernesto López Naveiras, presidente da Agrupación Instrutiva de Caamouco.

      A ANDAINA
      Hora de saída: 10:30
      Hora de regreso estimada: 14:00
      Distancia: 3,5 km.
      Dificultade: baixa.
      Itinerario: andainacircular que, na primeira parte, se centrará na vila de Redes para, a continuación, percorrer outros edificios das parroquias.
      Observacións: todo o paseo transcorre por rúas asfaltadas con tráfico local, sen zonas de sombra.
      Necesidades específicas: calzado cómodo, protector solar, chapeu, impermeable (por se chove), auga e un petisco.
      Público destinatario: actividade axeitada para todos os públicos.
      Inscrición previa: prazas limitadas a 80 persoas.
      Máis Información en:
      e.mail,  julio.escoitar@gmail.com e teléfono: 619 63 72 11


      Admisión por orde de inscrición.
      Imprescindible inscrición, do 15 de xullo ao 2 de agosto.

       

        • Formulario de inscrición para esta andaina do 15 de xullo ao 2 de agosto

      >>>> ANDAINA COMPLETA <<<<

       

      2018, Camiñantes históricos, Música, Paisaxe, Patrimonio

      6. Emilia Pardo Bazán e os Pazos de Ulloa

      DATOS

      Día: sábado 25 de agosto
      Hora de saída: 10:30 h
      Hora de regreso estimada: 14:30 h
      Distancia: 6 km
      Dificultade: media
      Observacións: hai un pequeno tramo de asfalto, pero case todo o percorrido transcorre por un camiño de terra co chan irregular de pedra, polo que é fácil tropezar se non se presta atención. O último tramo consta dunha pendente pronunciada, aínda que fácil de subir.

      Punto de encontro: Igrexa de San Miguel de Coence, Palas de Rei, Lugo.
      Custo do transporte: castelo de Pambre – Igrexa de San Miguel de Coence, 5 euros por persoa.

      Normas específicas:
      http://monumentagalicia.com/normas-especificas-para-andainas. 

      COMO CHEGAR: desde Palas de Rei, cóllese a LU-P-4002, dirección Antas de Ulla. A 6 km, débese tomar un desvío á esquerda e continuar cara á igrexa.

      Ligazón:
      https://goo.gl/maps/NysAVP48ZhP2

      Máis: info@sinsalaudio.org e no teléfono 619 637 211

      Á DESCUBERTA DO PATRIMONIO

      A terra de Ulloa é un territorio con entidade propia vinculado á liñaxe dos Ulloa desde a plena Idade Media, como mostra o seu apelido toponímico. A súa presenza maniféstase no territorio a través da edificación de varias fortalezas e casas fortes das que o castelo de Pambre é un exemplo que perviviu ata os nosos días. Neste pequeno traxecto imos percibir como o territorio se estrutura arredor de elementos relixiosos, manifestacións do poder civil como o castelo onde reside a aristocracia e os camiños que permiten as comunicacións e o transporte.

      MONUMENTA DIVULGA
      Coñeceremos o románico en Ulloa e percorremos un novo Camiño Real. Por unha desas vías secundarias do camiño xacobeo chegaremos ata o castelo de Pambre. Os seus construtores son os Ulloa, unha das linaxes nobres galegas máis distinguidas dos últimos séculos do medievo, que o converten no espazo principal da familia a finais do século XIV. O seu simbolismo traspasa o ámbito do particular para converterse nun dos emblemas da comarca e parte do escudo do propio municipio de Palas de Rei.

      MONUMENTA ESCOITA
      Francisco Romualdo é un espléndido contacontos que, coa zanfona e o poderío máxico da súa voz, percorre Galicia cos cantos e romances de cego.

      • Prazas limitadas a 100 persoas. Admisión por orde de inscrición

       

      2018, Natureza, Paisaxe, Patrimonio

      5. O Camiño Real a San Pedro de Rocas

      DATOS

      Día: domingo 19 de agosto
      Hora de saída:
      10:30 h
      Hora de regreso estimada: 14:30 h
      Distancia: 3 km ida e 3 km volta
      Dificultade: baixa
      Observacións: case todo o percorrido transcorre por un camiño de monte, co chan irregular de pedra que non presenta dificultades, pero require prestar especial atención para non tropezar e caer.

      Punto de encontro: Centro de Saúde de Esgos. Praza do Cruceiro, 32720. Esgos.

      COMO CHEGAR: desde A Guarda, na subida ao monte Trega, débese coller a avenida Paseo Portugal.
      Ligazón: https://goo.gl/maps/izix7nrhs6n

      Máis: info@sinsalaudio.org e no teléfono 619 637 211.

      Á DESCUBERTA DO PATRIMONIO
      En edicións anteriores, despois de coñecer Santa Eulalia de Bóveda (Monumenta 2015) e Santa Mariña de Augas Santas (Monumenta 2017), faltábanos esta visita ao que está considerado o terceiro centro dos inicios do cristianismo e da vida monástica en Galicia. Este templo excepcional será a derradeira parada dun percorrido polo chamado Camiño Real, que desde Esgos aínda conserva o seu pavimento, as marcas das carruaxes e, sobre todo, o paso do tempo entre unha vexetación desbordante e fermosa.

      MONUMENTA DIVULGA
      Repasaremos a historia dos camiños: desde as vías romanas e as vías mediavais, ata os camiños reais, que deron lugar a parte das estradas da actualidade. Falaremos das árbores, muros, penedos e petos de ánimas protagonistas desta obra mestra dos camiños galegos. Esta viaxe rematará coa visita ao mosteiro de San Pedro de Rocas, estreitamente relacionado co evanxelizador da época sueva San Martiño Dumiense desde o ano 573. Polo tanto, foi un dos primeiros da Rivoyra Sacrata e o máis antigo que se conserva en Galicia.

      MONUMENTA ESCOITA
      Desde Ourense uníronse os talentos de experimentados músicos que formaran parte de Niño y Pistola, Blood Filloas, O Sonoro Maxín, Annie Hall, Haecceidad ou Cinnamon Gun e agora son Os Amigos dos Músicos. Nestes anos acadaron premios como a mellor banda de pop nos Premios Martín Códax da Música Galega 2017, ademais de ser finalistas dos Premios min 2017 na categoría de mellor álbum en galego polo LP Os amigos dos músicos (2016).

      • Prazas limitadas a 90 persoas. Admisión por orde de inscrición

       

      • Formulario de inscrición para esta andaina do 08 ao 17 de agosto

       

      2018, Camiñantes históricos, Ciencia, Paisaxe, Patrimonio

      2. Os alicerces da botánica e a meteoroloxía galegas: da Pasaxe á Guarda co pai Baltasar Merino

      DATOS

      Día: domingo 5 de agosto
      Hora de saída:
      10:30 h
      Hora de regreso estimada: 14:30 h
      Distancia: 5,5 km
      Dificultade: baixa
      Punto de encontro:  Estación Marítima da Guarda (ferri a Camiña). Segunda República, s/n, 36788. A Guarda.
      Custo do transporte: A Guarda – A Pasaxe, 5 euros por persoa.

      COMO CHEGAR: desde A Guarda, na subida ao monte Trega, débese coller a avenida Paseo Portugal.

      Ligazón: https://goo.gl/maps/hSiqbUvacC12

      Máis: info@sinsalaudio.org e no teléfono 619 637 211.

      Á DESCUBERTA DO PATRIMONIO
      No último cuarto do século xix o burgalés Baltasar Merino, xesuíta, chega a Galicia para impartir docencia no colexio da Pasaxe e atenuar as súas doenzas físicas nas bondades do noso clima. Desde este lugar, a lombo de equinos, viaxou por Galicia nun percorrido que lle permitiu descubrir e sistematizar gran parte da súa vexetación, do cal xurdiu, en 1905, a Flora descritiva e ilustrada de Galicia, unha obra aínda en vixencia un século despois. Preocupado polos perigos dos temporais para a vida da xente do mar, foi pioneiro na aplicación dos coñecementos meteorolóxicos á predición do tempo e á salvagarda dos pescadores.

      MONUMENTA DIVULGA
      Tomando como referencia o pioneiro labor científico de Merino como botánico e meteorólogo, e analizando a importancia da súa obra para Galicia e para a ciencia de inicios do século xx, abordaremos os distintos ambientes ecolóxicos deste sector da costa galega a través da distribución das súas plantas. Ensinaremos como se fan inventarios e transeptos de vexetación, así como técnicas básicas de herborización. Observaremos as nubes e valoraremos as súas características cara á predición do tempo. Non deixaremos de lado a presentación doutros valores da zona como os arqueolóxicos, etnográficos e de aproveitamento protoindustrial do patrimonio natural.

      MONUMENTA ESCOITA
      MJ Pérez
      é unha das novas voces do panorama actual da música galega que está pisando forte. Logo de dous discos autoproducidos e de case 100 concertos por toda Galicia, agora presenta Casandra. Trátase do terceiro disco, e o primeiro de estudio, da artista arzuá, no que ademais conta con colaboracións especiais como son Paco Cerdeira, Ailén Kendelman ou Richi Casás.

      • Prazas limitadas a 90 persoas. Admisión por orde de inscrición

       

      • Formulario de inscrición para esta andaina do 30 de xullo ao 03 de agosto

       

      2018, Natureza, Patrimonio

      1. A muralla de Lugo: patrimonio da humanidade e fogar dos vencellos

      DATOS

      Día: sábado 4 de agosto
      Hora de saída:
      11:00 h
      Hora de regreso estimada: 14:00h
      Distancia: 2,266 km
      Dificultade: baixa
      Itinerario: comezaremos o itinerario na Domus do Mitreo e percorreremos integramente a muralla.
      Punto de encontro: Porta de Santiago, Domus do Mitreo. Praza Pío XII, 4, Lugo.

      Ligazón: https://goo.gl/maps/mp7qtxuoVps

      Máis: info@sinsalaudio.org e no teléfono 619 637 211.

      Á DESCUBERTA DO PATRIMONIO
      A muralla de Lugo celebra en novembro de 2018 18 anos como patrimonio da humanidade. Con esta declaración produciuse unha transformación na percepción do monumento, que pasou de ser considerado un obstáculo para o crecemento urbanístico de Lugo a converterse nun factor de desenvolvemento da cidade. A conservación da muralla supuxo un reto, que impulsa cada ano novas investigacións en diferentes áreas do coñecemento, por exemplo, o patrimonio natural.

      MONUMENTA DIVULGA
      A construción da muralla romana introduciu cambios na fisionomía da cidade antiga. Algúns edificios quedaron cortados polo seu trazado, como sucedeu coa Domus do Mitreo, punto de partida da andaina. Ao longo do percorrido, poderemos observar os cambios urbanísticos que se produciron na contorna da muralla nestes últimos anos, as intervencións arqueolóxicas ligadas á súa conservación e os novos modos de integrar o patrimonio natural no patrimonio cultural, porque os vencellos aniñan entre as súas pedras e son parte da mesma paisaxe.

      INSCRICIÓN

      • Prazas limitadas a 80 persoas. Admisión por orde de inscrición 
      • Formulario de inscrición para esta andaina do 30 de xullo ao 03 de agosto

       

      2017, Camiñantes históricos, Música, Paisaxe, Patrimonio

      8. Alan Lomax e os afiadores dos Peares

      NOGUEIRA DE RAMUÍN, OURENSE
      Domingo 27 de agosto 10:30 h

      • PUNTO DE ENCONTRO
      Zona de estacionamento no acceso ao mosteiro de Santo Estevo de Ribas de Sil.

      Como chegar: desde Ourense, tomar a provincial OU-536 cara á Pobra de Trives. Ao pasar o encoro de Castadón, hai que desviarse pola OU-0507 e despois coller a OU-0508, sempre seguindo os sinais do mosteiro de Santo Estevo.

      • Á DESCUBERTA DO PATRIMONIO

      Desde o contorno monumental do mosteiro de Santo Estevo de Ribas de Sil, con primitiva fábrica románica, mais con referencias que nos remontan ao propio san Martiño de Dumio (século VI), achegarémonos á figura do afiador, un elemento referencial da etnografía popular e que ten epicentro neste concello de Nogueira de Ramuín. A relación entre a súa roda nómade e a música propiciou un rexistro histórico:
      a gravación que lle fixo en 1952 o musicólogo norteamericano Alan Lomax, na aldea de Faramontaos, a Xosé María Rodríguez, capador e afiador de Nogueira. Melodía que mesmo chegaría a recrear o mítico trompetista Miles Davis nun dos temas do álbum Sketches of Spain.

       

      • MONUMENTA DIVULGA

      Nas dependencias do museo de Santo Estevo exhíbense rodas, coitelos e outros aparellos propios deste oficio. Son parte da colección de Florencio de Arboiro, un dos maiores eruditos na materia. Da súa man, descubriremos algunha das historias que protagonizaron os afiadores de Nogueira por todos os camiños e recibiremos unha clase de iniciación no barallete, a xerga profesional do gremio, probablemente a máis rica en vocabulario de todas as da Península Ibérica. Tamén teremos noticia do verbo dos xingros, a xerga profesional dos músicos de Ourense, absolutamente descoñecida noutras latitudes.

      • CAMIÑANTES CONVIDADOS

      Florencio de Arboiro, etnógrafo e escultor, creador da Casa das Rodas, en San Xoán de Río, onde exhibe a impresionante colección de rodas de afiar que foi adquirindo e restaurando durante máis de 30 anos.
      Cristina Asenjo, profesora de música no ensino secundario e acordeonista do conxunto O Sonoro Maxín. É natural de Alongos, terra de músicos, onde aínda se mantén viva a memoria do antigo verbo dos xingros.
      Acompañados en formato de barriografía ou parladoiro iti- nerante polo músico e escritor Xurxo Souto.

      ••• A ANDAINA

      Hora de saída: 10.30 h
      Hora de regreso estimada: 14.00 h
      Distancia: 5 km
      Dificultade: baixa

      Itinerario: saída das inmediacións do mosteiro de Santo Estevo de Ribas de Sil, na zona de aparcadoiro de autobuses. Visita ao mosteiro e á exposición permanente de Florencio de Arboiro. Despois iniciaremos a andaina circular, percorrendo algunhas pasaxes do antigo camiño real desde Os Peares e da ruta oficial Maquino Largaño. Tamén visitaremos Paradela e o miradoiro do Castro, para volver despois ao mosteiro.

      Observacións: a ruta discorre principalmente por camiños e pistas de terra, entre arboredo, e ten varias pendentes con desnivel medio-baixo.
      Necesidades específicas: calzado cómodo, chapeu, impermeable (por se chove), auga e un petisco.
      Público destinatario: actividade axeitada para todos os públicos.
      Inscrición previa: prazas limitadas a 100 persoas. Imprescindible inscrición, do 17 de agosto ao 24 de agosto, na web: http://monumentagalicia.com. Admisión por orde de inscrición.

      Máis: info@sinsalaudio.org e no teléfono 619 637 211.

      FORMULARIO DE INSCRICIÓN PARA ESTA ANDAINA DO 17 DE AGOSTO AO 24 DE AGOSTO