2019, Camiñantes históricos

Santa Cristina de Ribas de Sil e o concepto da viaxe na literatura e no cinema

Descubrindo o patrimonio material e inmaterial da Ribeira Sacra, o paseo permitiunos falar do concepto do camiñar e da viaxe. Recuperamos textos de escritores que reflexionaron sobre esta acción e, na actualidade, son un referente na historia do camiñar.

BIBLIOGRAFÍA E FILMOGRAFÍA .

Libros:

1. Jean-Jaques Rosseau – Las Confesiones. (1782)

2. Rebecca SolnitWanderlast: una Historia del caminar. (2000)

3. Frédéric GrosAndar, una filosofía. (2009)

4. Robert WalserEl paseo. (1917)

5. Arthur Rimbaud – Una temporada en el infierno. (1873)

6. Werner HerzogDel caminar sobre hielo. (1978)

7. Henry David ThoreauWalden. La vida en los bosques. (1854)

8. Henry David Thoreau Caminar. (1861)

9. Stefan Zweig – Momentos estelares de la humanidad. (1927)

10. Apsley – Cherry GarrardEl peor viaje del mundo. (1922)

11. Sue HubbellUn año en los bosques. (2016)

12. Cristina Fernández CubasEl vendedor de sombras; viaje. (1982)

13. Jack KerouacLibro de haikus. (2003)

Películas:

1. Wild (Alma salvaxe)Jean-Marc Vallée. (2014)

2. Aguirre, der zorn gottes (Aguirre, a cólera de deus)Werner Herzog. (1975)

3. FitzcarraldoWerner Herzog. (1982)

2019, Igrexas, Natureza, Paisaxe, Patrimonio

8. Santa Cristina de Ribas de Sil e o concepto da viaxe na literatura e no cinema

PARADA DE SIL, OURENSE
31 de agosto 10:30

PUNTO DE ENCONTRO
Entre o concello e o campo da feira de Parada de Sil. Como chegar: pola OU-536 Ourense-Castro Caldelas, en Vilariño Frío, tomar o desvío para OU-0604, á altura do km 34/35, e conducir 9 km máis. https://goo.gl/maps/kTjAXp8fciKfd2eDA

Á DESCUBERTA DO PATRIMONIO
Un dos grandes obxectivos de Monumenta, andar con arte é aprender a camiñar. Programamos actividades para reflexionar sobre o coñecemento transversal da nosa historia, e onde as ciencias e as humanidades, o patrimonio material e o inmaterial, forman un conxunto indivisible. Con esta andaina, abordaremos unha nova etapa coa cal nos adentraremos na acción e no pensamento dos viaxeiros.

MONUMENTA DIVULGA
Descubrindo o patrimonio material e inmaterial da Ribeira Sacra, o paseo permitiranos falar do propio concepto do camiñar e da viaxe. Recuperaremos textos de escritores que reflexionaron sobre esta acción que, na actualidade, son un referente na historia do camiñar.

MONUMENTA ESCOITA
Dous, o dúo formado polo clarinetista Fernando Abreu e o guitarrista Pablo Carrera, porá a banda sonora da andaina presentándonos algunhas das cancións do seu máis recente disco A Viaxe de Yoyo, un pequeno percorrido polas músicas do mundo.

MONUMENTA DEGUSTA
En Parada de Sil celébrase a festa da Pisa da Castaña, unha tradición que estaba en perigo de desaparición. Consiste na preparación de castañas secas, para o que hai que eliminar a pel a través dun sistema de cribado laborioso e artesanal.

CAMIÑANTES CONVIDADOS
Javier Trigales, xestor cultural, guionista e profesor de realización audiovisual.
María Abuín Fernández, guía e cofundadora da empresa Máis que Románico, especializada en andainas pola Ribeira Sacra.

A ANDAINA
Hora de saída: 10:30
Hora de regreso estimada: 14:30
Distancia: 6 km.
Dificultade: baixa.
Itinerario: realizaremos unha parte da ruta PR-G 98. Sairemos do concello de Parada de Sil e, desde alí, descenderemos cara ao mosteiro de Santa Cristina.
Observacións: a andaina pasará por diferentes etapas, algunhas zonas sen sombra e camiños irregulares con pequenos tramos de pendente. Desde o mosteiro, a volta á vila será en autobús.
Transporte + entrada ao mosteiro: 3 Euros.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos.
Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, do 16 de agosto ao 30 de agosto.

  • Formulario de inscrición para esta andaina do 16 ao 30 de agosto

>>>> ANDAINA COMPLETA <<<<

2019, Natureza, Patrimonio

7. Castro Caldelas, paseo pola capital da lingua galega escrita

CASTRO CALDELAS, OURENSE
25 de agosto 10:30

PUNTO DE ENCONTRO
No xardín do santuario dos Remedios. Hai diferentes zonas de aparcamento nas proximidades da praza do Prado. Como chegar: pola OU-536 Ourense-Castro Caldelas. https://goo.gl/maps/x9EFnHdaC3e2EhCJA

Á DESCUBERTA DO PATRIMONIO
Castro Caldelas está situada nun outeiro que domina a ribeira do río Edo. O seu casco antigo foi declarado Conxunto Histórico- Artístico en 1998. No punto máis alto sitúase o castelo construído por orde de Pedro Fernández de Castro, VII Conde de Lemos, no segundo terzo do século XIV.

MONUMENTA DIVULGA
O Foro do bo burgo de Castro Caldelas é un documento absolutamente singular por ser o máis antigo escrito en galego que se coñece entre os producidos en Galicia. Con este documento, Alfonso IX de León outórgalles aos cidadáns da vila de Castro Caldelas os seus foros e regula o seu réxime. Foi entregado en Allariz, en abril de 1228. Tamén é un documento solemne e o único exemplo de privilexio real en galego de toda a nosa historia .

MONUMENTA DEGUSTA
A orixe da bica ten diferentes teorías. Calcúlase que a receita ten preto de 200 anos e que
as primeiras bicas naceron das receitas e da sabedoría dos monxes da Ribeira Sacra, aínda que outras investigacións indican que este doce era elaborado pola xente da comarca como agasallo
para o Conde de Lemos.

CAMIÑANTES CONVIDADOS
Rebeca Blanco Rotea, licenciada en Xeografía e Historia e doutora en Arqueoloxía pola Universidade do País Vasco en 2015.
Fran Alonso Toucido, arqueólogo, investigador e historiador.
María Abuín Fernández, guía e cofundadora da empresa Máis que Románico, especializada en andainas pola Ribeira Sacra.

A ANDAINA
Hora de saída: 10:30
Hora de regreso estimada: 14:30
Distancia: 6 km.
Dificultade: media.
Itinerario: presentación da andaina no xardín da igrexa e, a continuación, descenso cara ao río Edo para iniciar un tramo da ruta dos muíños. Á volta, remataremos a andaina no castelo de Castro Caldelas cunha visita guiada. Observacións: andaina de ida e volta por sendeiros e camiños que, por tramos, poden presentar charcos e regatos de auga, dependendo da climatoloxía. É unha andaina sinxela, con desniveis e un relevo irregular, polo que, á volta, hai que afrontar algunha subida.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos sen problemas de mobilidade.
Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, do 9 de agosto ao 23 de agosto.

  • Formulario de inscrición para esta andaina do 9 ao 23 de agosto

2019, Camiño de Santiago, Igrexas, Paisaxe

6. Padrón, un xardín literario

PADRÓN, A CORUÑA
24 de agosto 10:00

PUNTO DE ENCONTRO
Xardín botánico de Padrón. Hai varias zonas de aparcamento na parte traseira do xardín. Como chegar: pola N-550 Santiago-Padrón, o xardín está na rúa Franco Salgado Araujo, 13, 15900 Padrón, A Coruña. https://goo.gl/maps/ oaGotHXPjDMZpxAL9

Á DESCUBERTA DO PATRIMONIO
Na vila de Padrón daremos un paseo para divulgar dous patrimonios singulares: a lingua escrita na literatura de poetas e escritores como Macías o Namorado, Rosalía de Castro e Camilo José Cela; e o patrimonio natural cultivado nos xardíns onde se atopan árbores senlleiras, testemuñas mudas da vida que se desenvolve na súa contorna e onde puideron atopar inspiración os nosos autores e autoras.

MONUMENTA DIVULGA
Nun reducido territorio concéntranse numerosos elementos patrimoniais, espazos que entran e saen das obras de Rosalía e Cela. O xardín botánico de Padrón é un dos máis antigos de España e foi declarado Monumento Artístico Nacional en 1946; a Casa da Matanza de Rosalía de Castro foi convertida en casa museo en 1972; a Fundación Camilo José Cela ocupa as antigas casas dos Coéngos (s. XVIII) e alberga o legado do premio Nobel de Literatura de 1989. Iria Flavia foi desde a máis remota antigüidade un foco irradiador de cultura. Á súa beira está o cemiterio de Adina.

MONUMENTA DEGUSTA
A Pementeira é unha sociedade agrícola de transformación dedicada á produción o envasado e a comercialización do pemento de Herbón, fundada por 23 agricultores/as e que cumpre cos requisitos establecidos polo Consello Regulador da D. O. Pementos de Herbón.

CAMIÑANTES CONVIDADOS
Angel Cerviño, comisario de arte contemporáneo.
David Fernández Abella, arqueólogo especialista en historia medieval, romana e subacuática.
Gaspar Bernárdez, enxeñeiro forestal e paisaxista. Colabora co Catálogo de Árbores Senlleiras de Galicia.

A ANDAINA
Hora de saída: 10.00
Hora de regreso estimada: 14:00
Distancia: 3 km.
Dificultade: baixa.
Itinerario: presentación e visita polo xardín botánico de Padrón. A continuación, pararemos no segundo xardín da andaina, neste caso na Casa Museo de Rosalía de Castro. Desde aquí, seguiremos ata a Fundación Camilo José Cela, e remataremos a andaina na igrexa de Santa María de Iria Flavia.
Observacións: é unha andaina moi curta, de ida e volta, por estradas asfaltadas. Faremos catro paradas, e durante o percorrido apenas hai zonas con sombra. A actividade rematará no Museo Camilo José Cela, situada a menos dun quilómetro do punto de encontro. Necesidades específicas: calzado cómodo, protector solar, chapeu, impermeable (por se chove), auga e un petisco.
Entradas aos museos: 2 euros por persoa.
Público destinatario: actividade axeitada para todos os públicos. Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, do 9 de agosto ao 23 de agosto.

  • Formulario de inscrición para esta andaina do 9 ao 23 de agosto

2019, Patrimonio Industrial

5. Sargadelos e o Laboratorio de Formas de Galicia

SARGADELOS, CERVO, LUGO
14 de agosto 11:00

PUNTO DE ENCONTRO Conxunto histórico artístico de Sargadelos.
Como chegar: desde a avenida de Lugo, N-642, tomar o desvío a Cervo e, a continuación, a estrada LU-P-1505 de Sargadelos ata o km 2. https://goo.gl/maps/ dBLgbnKwyDeaThGF6

Á DESCUBERTA DO PATRIMONIO
En Sargadelos atópanse os restos do primeiro gran complexo industrial de Galicia. En 1794, Antonio Raimundo Ibáñez pon en marcha unha siderurxia e, pouco máis tarde, a Real Fábrica de Louza, que se mantén en funcionamento ata 1875. Case un século despois, o Laboratorio de Formas de Galicia, institución fundada en 1963 en Arxentina por Díaz Pardo e Luis Seoane, restaura a produción industrial de louza en Sargadelos.

MONUMENTA DIVULGA
Partindo da unión dos conceptos de arte e industria, e tomando de referencia experiencias como a Bauhaus, o Laboratorio de Formas dará lugar á refundación da fábrica de cerámica de Sargadelos e á creación do Museo de Arte Contemporáneo Carlos Maside, do Instituto Galego de Información, das Ediciós do Castro, do Laboratorio Xeolóxico de Laxe e do Seminario de Sargadelos.

MONUMENTA ESCOITA
Vudú son Belém Tajes (voces e teclado) e Maritxinha (baixo e loops). No ano 2016, o dúo faise co premio á mellor canción en galego por «Eu son VooDoo» no certame Música Xove e, o ano seguinte, acada o Premio Martín Códax da Música Galega na categoría soul. O fío da súa música pasa pola recuperación do cancioneiro tradicional adaptándoo ás sonoridades urbanas.

MONUMENTA DEGUSTA
O concello de Cervo é a capital galega do ourizo, especialmente desde que en 1992 naceu, na parroquia de San Cibrao, unha festa gastronómica para dar a coñecer este produto.

CAMIÑANTES CONVIDADOS
Vicente Caramés Moreira, arqueólogo e director do Museo do Mar de Galicia.
Isaac Pérez Vicente, artista plástico contemporáneo e deseñador dunha
das súas vaixelas.
Iria Vázquez, artista multidisciplinar, investigadora e docente.

A ANDAINA
Hora de saída: 11:00
Hora de regreso estimada: 14:30
Distancia: 3 km.
Dificultade: baixa.
Itinerario: desde o punto de encontro, camiñaremos ata a fábrica de Sargadelos, onde faremos unha visita guiada. A continuación, visitaremos a parroquia de Sargadelos e remataremos a andaina no Museo Histórico de Sargadelos.
Observacións: é unha andaina de ida e volta por estradas asfaltadas con pouco tráfico,
se ben o tramo principal, entre o conxunto histórico e a fábrica de Sargadelos, non ten beirarrúas e concentra máis tráfico. Durante o percorrido, apenas hai zonas con sombra.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos. Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, do 1 de agosto ao 13 de agosto.

  • Formulario de inscrición para esta andaina do 1 de agosto ao 13 de agosto

>>>> ANDAINA COMPLETA <<<<

2019, Camiño de Santiago, Ciencia, Natureza, Paisaxe

4. O mosteiro de Oia e a historia do clima no Camiño Portugués da Costa

OIA, PONTEVEDRA
11 de agosto 10:30

PUNTO DE ENCONTRO
No campo da festa do mosteiro de Oia. A zona de aparcamento é ampla.
Como chegar: coller a PO-532 Baiona – A Guarda e, á altura do km 34, tomar o desvío indicado para o mosteiro de Oia. https://goo.gl/maps/ FJn4ukfoaZKHqEeV7

Á DESCUBERTA DO PATRIMONIO
Existe o patrimonio xeomorfolóxico? Por suposto que si, e nesta andaina falaremos del e da súa relación coa arqueoloxía, polo que poderemos facernos unha idea da historia do clima e, por tanto, do cambio climático. Trátase dun tramo da costa que conta con numerosas testemuñas do pasado, como os depósitos sedimentarios antigos na beiramar, as saíñas romanas, os topónimos referentes a actividades mariñeiras xa desaparecidas e, por suposto, o mosteiro de Oia, que na súa evolución histórica sufriu vaivéns relacionados con crises ambientais e climáticas; por exemplo, o maremoto derivado do terremoto de Lisboa.

MONUMENTA DIVULGA
Nesta fermosa andaina, comprobaremos como o patrimonio é un ecosistema, ás veces invisible, que debemos aprender a sentir. Pasearemos por 3 km do Camiño Portugués, onde se escoita un dos grandes tesouros da paisaxe sonora de Galicia, debido á forza das ondas do océano Atlántico: o mesmo culpable da estrela gastronómica da zona, o percebe de Oia.

MONUMENTA ESCOITA
Faia Díaz Novo, membro de De Vacas, o coro Encaixe ou Apatacón, estréase en solitario coa colaboración de Hevi, músico urbano coñecido por Fluzo e Malandrómeda. Ao cabo leirín é o título do seu primeiro disco, un traballo moi especial onde cantigas e músicas populares foron interpretadas e gravadas entre ambientes sonoros en vivo.

MONUMENTA DEGUSTA
«Auga a ferver, percebes botar; auga a ferver, percebes sacar». Faremos unha pequena introdución a este crustáceo e ao seu sucedáneo vexetal, o codium.

CAMIÑANTES CONVIDADOS
Juan López Bedoya, xeógrafo físico e divulgador científico. Xoán Lois Vila,
percebeiro de Oia. Xoán Martínez, coordinador da visita guiada ao mosteiro de Oia.

A ANDAINA
Hora de saída: 10:30
Hora de regreso estimada: 14:30
Distancia: 6 km.
Dificultade: baixa.
Itinerario: na primeira parte da actividade, realizaremos o tramo do Camiño Portugués, e despois, visitaremos o mosteiro de Oia.
Observacións: camiño rural agás un tramo de poucos metros pola beirarrúa da PO-532.
Non hai zonas de sombra. Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos.
Inscrición previa: prazas limitadas a 80 persoas.

Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, 26 de xullo ao 9 de agosto.

  • Formulario de inscrición para esta andaina do 26 de xullo ao 9 de agosto

>>>> ANDAINA COMPLETA <<<<

2019, Igrexas, Música, Patrimonio, Patrimonio inmaterial

3. Música no Camiño de Santiago e música para camiñar

SOBER, LUGO
10 de agosto 10:30

PUNTO DE ENCONTRO
Aparcadoiro do santuario Nosa Señora de Cadeiras.
Como chegar: desde a N-120 Vigo-Logroño, tomar o desvío a Sober no km 530/531. Desde este concello, ir pola LU-P-5903, que une Sober con Doade, e saír na primeira indicación cara ao santuario de Cadeiras.
https://goo.gl/maps/qhYEDHYAYRitRvQr7

Á DESCUBERTA DO PATRIMONIO
Monumenta é andar con arte e, tamén, camiñar con música. Visitamos outro lugar de culto, que se remonta ata a epoca antiga. A andaina arranca no castro das Medorras, a primeira etapa dunha viaxe por miradoiros, penedos máxicos, o Camiño da Virxe, a igrexa románica de San Vicente de Pinol e o santuario barroco da Nosa Señora de Cadeiras.

MONUMENTA DIVULGA
Andar con música, traballar con música, rezar con música. A música durante o camiño é tan antiga como a propia peregrinación. A súa temática foi diversa e incluso chegaron a editarse libros con cancións moi variadas sobre a dimensión espiritual da viaxe; cantos de itinerario, con información sobre o camiño, e outro tipo de narracións dirixidas a celebrar o fervor relixioso.

MONUMENTA ESCOITA
A agrupación musical O Trícole creouse en 1997, no eido da recuperación do patrimonio inmaterial. O Trícole ten publicados libriños de escolmas de lendas, contos e outras tradicións orais de Sober, en colaboración coa asociación O Colado do Vento, tamén de Sober.

MONUMENTA DEGUSTA
A rosca de Sober é un pan doce, con forma de rosca, que se fai con masa de pan, ovos, azucre e azafrán. Pódese tomar como entrante ou como sobremesa —pero sempre acompañada de queixo—, para o almorzo ou como simple larpeirada.

CAMIÑANTES CONVIDADOS
Saleta López Vázquez, historiadora da arte especializada en xestión dopatrimoniocultural.
Xurxo Souto, músico, investigador e escritor.

A ANDAINA
Hora de saída: 10:30
Hora de regreso estimada: 14:30
Distancia: 4 km.
Dificultade: baixa.
Itinerario: a primeira parada será na contorna de Cadeiras para visitarmos o castro, o miradoiro e os penedos. A continuación, iniciaremos a viaxe ata Pinol, percorrendo o tradicional camiño da Virxe. De volta, remataremos a andaina coa visita ao santuario de Cadeiras.
Observacións: é unha andaina de ida e volta por diferentes sendeiros e estradas con pouco tráfico. Hai algúns tramos por zonas abertas, sen sombra, e chan irregular de pedra e terra.
Necesidades específicas: calzado cómodo, protector solar, chapeu, impermeable (por se chove), auga e un petisco.
Público destinatario: actividade axeitada para todos os públicos.
Inscrición previa: prazas limitadas a 80 persoas.
Máis Información en:
e.mail,  julio.escoitar@gmail.com e teléfono: 619 63 72 11

Admisión por orde de inscrición.
Imprescindible inscrición, 26 de xullo ao 9 de agosto.

  • Formulario de inscrición para esta andaina do 26 de xullo ao 9 de agosto
    • 2019, Crónicas, Educación, Patrimonio

      1. Olegado cultural, social, educativo e botánico dos emigrantes indianos

      REDES, ARES, A CORUÑA.
      3 de agosto 10:30

      PUNTO DE ENCONTRO
      Praza do Pedregal, centro da vila de Redes. Hai un aparcadoiro gratuíto a 150 metros na rúa de Abaixo.
      Como chegar: desde a AP9, tomar a saída 21F a Pontedeume e, uns metros máis adiante, o desvío a Cabanas. A continuación, a AC-202 cara a Ares/Mugardos e o desvío a Redes. https://goo.gl/maps/sFNhwSBGXtmwCyDW6

      Á DESCUBERTA DO PATRIMONIO
      A principios do século XX, moreas de mozos da península de Bezoucos emigraron a
      Cuba seguindo os pasos doutros familiares e veciños. Desde a Habana, construíron unha historia común entre a illa e Galicia, e deixaron un importante e valioso
      legado todavía visible no patrimonio arquitectónico e no tecido social e cultural.
      Boa proba é a vila de Redes, coa Agrupación Instrutiva de Caamouco, un centro que leva aberto máis de cen anos e que desenvolve ciclos de actividades relacionadas co patrimonio indiano e a emigración.

      MONUMENTA DIVULGA
      A vila de Redes é un acolledor porto que á súa tradición pesqueira lle engade o fabuloso legado da emigración. O núcleo e os seus arredores servirannos para comprender e interpretar ese tesouro nos eidos da arquitectura, a botánica e a educación, ao tempo que tentaremos descubrir as contornas onde se concentraron estas «paisaxes da emigración».

      CAMIÑANTES CONVIDADOS
      Juan López Bedoya, xeógrafo físico e divulgador científico.
      Ernesto López Naveiras, presidente da Agrupación Instrutiva de Caamouco.

      A ANDAINA
      Hora de saída: 10:30
      Hora de regreso estimada: 14:00
      Distancia: 3,5 km.
      Dificultade: baixa.
      Itinerario: andainacircular que, na primeira parte, se centrará na vila de Redes para, a continuación, percorrer outros edificios das parroquias.
      Observacións: todo o paseo transcorre por rúas asfaltadas con tráfico local, sen zonas de sombra.
      Necesidades específicas: calzado cómodo, protector solar, chapeu, impermeable (por se chove), auga e un petisco.
      Público destinatario: actividade axeitada para todos os públicos.
      Inscrición previa: prazas limitadas a 80 persoas.
      Máis Información en:
      e.mail,  julio.escoitar@gmail.com e teléfono: 619 63 72 11


      Admisión por orde de inscrición.
      Imprescindible inscrición, do 15 de xullo ao 2 de agosto.

       

        • Formulario de inscrición para esta andaina do 15 de xullo ao 2 de agosto

      >>>> ANDAINA COMPLETA <<<<

       

      2019, Patrimonio Industrial, Patrimonio inmaterial, Urbanismo

      2. As canteiras de Moaña e a construción da paisaxe urbana en Galicia

      MOAÑA, PONTEVEDRA
      4 de agosto 10:30

      PUNTO DE ENCONTRO
      Praia do Cocho. Non hai unha zona de aparcadoiro específica, pero pódese estacionar na baixada pola estrada da Guía e outras rúas próximas. Como chegar: coller a PO-551 Domaio, Moaña, Cangas e, entre o km 28-29, tomar o desvío sinalado para a zona industrial O Choco ou o CEIP A Guía. https://goo.gl/maps/DM3uXRNzDtoG436w8

      Á DESCUBERTA DO PATRIMONIO
      Percorreremos un tramo do litoral onde a paisaxe rural e industrial configuran un modelo urbanístico, tanto na personalidade do lugar como doutras partes da propia ría de Vigo. Falaremos das pedras de Moaña coas que se contruíron moitos dos peiraos contemporáneos e, ademais, abordaremos o desenvolvemento dos estaleiros de Galicia.

      MONUMENTA DIVULGA
      Desde o litoral de Moaña, Monumenta asume o reto de explicar a construción da paisaxe urbana de Galicia. Para alcanzar esta meta, non só falaremos do patrimonio industrial, senon que tamén trataremos o urbanismo e a arquitectura doméstica na vivenda galega.

      MONUMENTA ESCOITA
      Tanxedoras son unha agrupación que, a forza de percorrer Galicia, coñece os mil xeitos de sentir a música tradicional. No seu último disco, 1952. Homenaxe a Alan Lomax, recuperan as cancións que o musicólogo realizou durante a súa viaxe por Galicia.

       MONUMENTA DEGUSTA
      A cooperativa A MeixoEira elabora catro tipos diferentes de queixo, todos con leite cru de cabra. O queixo curado, polo que foi premiada cunha medalla mundial de prata, será unha das estrelas da súa presentación.

      CAMIÑANTES CONVIDADOS
      Iria Sobrino, arquitecta, experta en galpóns de Galicia e investigadora da paisaxe industrial.
      Xoán Carmona, catedrático de institucións económicas da USC e investigador
      da historia marítima e empresarial de Galicia.
      Tamara Táboa Campos, investigadora e autora de  As canteiras do litoral de Moaña.

      A ANDAINA
      Hora de saída: 10:30
      Hora de regreso estimada: 14:00
      Distancia: 4 km.
      Dificultade: baixa.
      Itinerario: sairemos da praia do Cocho e iremos percorrendo as sucesivas canteiras e estaleiros ata a praia da Borna, camiñando en paralelo á costa.
      Observacións: ida e volta desde a praia do Cocho ata a praia da Borna, paseando
      por estradas asfaltadas sen beirarrúas e con pouco tráfico.
      Necesidades específicas: calzado cómodo, protector solar, chapeu, impermeable (por se chove), auga e un petisco.
      Público destinatario: actividade axeitada para todos os públicos.
      Inscrición previa: prazas limitadas a 80 persoas.
      Máis Información en:
      e.mail,  julio.escoitar@gmail.com e teléfono: 619 63 72 11

      Admisión por orde de inscrición.
      Imprescindible inscrición, do 15 de xullo ao 2 de agosto.

      • Formulario de inscrición para esta andaina do 15 de xullo ao 2 de agosto

      >>>> ANDAINA COMPLETA <<<<